काल सकाळी स्नेहाचा फोन आला .. 'घरी आहेस का?'; म्ह्टलं, 'हो, का गं?
म्हणाली 'मी पाच मिनिटांत पोचते', म्ह्टलं 'बरं'.
तिच्या या अशा अचानक आलेल्या फोननी मी जरा गोंधळूनच गेले होते. मनातच म्ह्टलं 'काय झालयं कुणास ठावुक, आल्यावर विचारीन...'
ती आली, सगळं घर रिकामं असताना तिच्या नेहेमीच्या ठरलेल्या जागी जाऊन बसली.
मी विचारलं 'काय झालं?"
म्हणाली मी इथे फक्त शांत बसायला आली आहे, काही विचारु नकोस.
जाताना फक्त एवढचं म्हणाली 'तुझ्या इथे आल्यावर घरी आल्यासारखं वाटतं, इथे आल्यावर मला डिसीजन घ्यायला सोप जातं"
झालं ती घरि गेली सुद्धा. पुढचे सगळे दिवस जणु काही झालचं नाही अस तिच वागणं.
------------------------------------
आपल्या सर्वांचा एक कंफर्ट झोन असतो [आपण मानलेला, बनवलेला, किंवा असलेला] जिथे जावुन आपली पोझीटिव्ह विचार शक्ति वाढते, निदान आपल्याला तरि असं वाटत असतं . हे खरंच असं असतं का मानसिक असतं हे ठावूक नाही पण प्रत्येक व्यक्तिची एक खास जागा, वस्तु, असं काही तरि असतं ज्याला कधी कधी लकी चार्म असं आपण म्हणतो, ज्यामुळे आपण जे काही करु ते खात्रीने चांगलेच होणार असा आत्मविश्वास आपल्यात येतो. कदाचित आपणच आपल्याला आधार कसा द्यावा यासाठी आपल्याच मनाने बनवलेली ही एक सोय असेल.
