कधी निखळ ह्सणारी, कधी अंतरमनाला हलवणारी, कधी खुप विचारी बनवणारी, लागेल तेंव्हा धीर देणारी, काही नाही विसरुन जा असं समजावणारी 'ती'...
तुमच्या आपल्या सर्वांमध्ये वावरत असतेच...
वाट बघत असते कधी मी मुक्त विहार करीन याचा...तिला बाहेर यायची खुप इच्छा तर असते, पण न येण्याचीही तितकीच कारणं असतात....
काहीच जमलं नाही तर मग एकटीच बसून राह्ते मनाच्या एका कोप~यात...
सुटकेची वाट पहात.....
याचा अर्थ ती खुप असहाय आहे असंही नाही...
कधी कधी ती स्वत:हूनच हा मार्ग स्विकारते, छान वाटत थोडस आपल्यातच राहणं...
आपण मात्र गरजेच्यावेळी फक्त 'ती'ला हाक मारतो. पण 'ती' मात्र एखाद्या विश्वासु मित्रासारखी आपली नेहेमीच मदत करते...
